قصة 30 يوم حب

موضوع: قصة 30 يوم حب الجمعة فبراير 24, 2012 3:22 pm

بدأ الحوار بين اقنين اصدقاء
البنت : كل صحباتى مرتبطين وإحنا آخر إتنين مش مرتبطين وكل واحد فينا عايش من غير حبيب
الولد : اه .. مش عارف أعمل إيه ؟
هى: أنا عارفة .. تعالى نلعب لعبه
هو: لعبة إيه ؟
هى: تعالى نرتبط لمدة 30 يوم , أبقي حبيبتك فيهم وتبقي حبيبى فيهم لحد ما ال30 يوم يخلصوا
هو: مممم , فكره حلوه وانا كده كده فاضى طول الفتره اللى جايه ..

اول مرة يخرجوا
دخلوا السينما لأول مرة مع بعض ومسكوا إيدين بعض وهما بيتفرجوا ع فيلم رومانسى

ثاني مرة يخرجوا
راحوا شاطىء البحر وإتفسحوا .. هو وهى عاشوا وقت مميز في اليوم ده

ثالث مرة يخرجوا
عزمها ع السيرك وع بيت الرعب , وهى كانت خايفه أوى وحاولت تمسك إيده بس غلطت ومسكت إيد واحد تاني وفضلت تضحك هي و هو ع الموقف ده

رابع مرة يخرجوا
راحوا للعراف وسئلوه عن حظهم , العراف قال لهم : حبايبى .. متضيعوش لحظه من حياتكم وعيشوا حياتكم في سعادة مع بعض .. بعديها عين العراف دمعت وقال لهم إمشوا

خامس مرة يخرجوا
هى عزمته عشان يروحوا الهرم وإتفرجوا هناك على الخيل وهو بيجرى .. هى همست ساعتها بكلام بس هو مسمعهوش

المرة السادسة
ركبوا باص وبسبب الطريق المتعرج الباص عمل حادثه صغيره وهو اتجرح وهى باسته علشان إتجرح

و في اليوم 29
الساعه 11:27 p.m
فاضل 33 دقيقه وال30 يوم يخلصوا
هو وهى قاعدين فى نفس المكان إللى كانوا قاعدين فيه من 30 يوم ساعت ما إتفقوا يلعبوا اللعبه دى
هو : انا عطشان , تحبى تشربى حاجه ؟
هى : شكرا .. ياريت سفـن اب
هو : حاضر ... إستنينى مش حتأخر

20 دقيقة عدت لحد ما لقت واحد غريب بيكلمها

الغريب : إنتى صاحبة صاحب الموبايل دا ؟
هي : اه , ليه فيه إيه ؟؟؟
الغريب : سواق عربيه خبطه وهو في المستشفى حالته وحشه أوى

الساعه 11:57 p.m

الدكتور خرج من غرفة الطوارىء وكان فى إيده زجاجة سفـن اب وجواب

الدكتور : إحنا لقينا الحاجات دى معاه

قرأت الجواب وكان بيقول :

.. الجواب ده انا كتبته من كام يوم , انا لقيتك إنسانه رقيقه و حلوه أوى , ولقيت نفسى بحبك بجد من غير ما أحس , إبتسامتك اللى حبتها عمرى ما حنساها , وكل حاجه حصلت بينا فى لعبة ال30 يوم خليتنى أحبك أوى .. وقبل ما ال30 يوم يخلصوا أتمنى إنك تكونى حبيبتى بجد لآخر يوم فى عمرى .. بحبك ..

دخلت غرفة الطوارىء وصرخت وعنيها كلها دموع : .. مش عيزاك تموت .. انا بحبك , فاكر يوم ما رحنا الأهرامات ؟ ساعتها انا همست بكلام إنت مسمعتهوش .. انا كنت بتمنى ساعتها إننا نفضل مع بعض للأبد ونفضل مستمرين فى اللعبه لآخر يوم فى حياتنا ... أرجوك متسبنيش , حرام عليك متعملش فيا كده .

ساعتها الساعه دقت 12:00 a.m

قلبه بطل يدق ... وكانوا 30 يوم زى ما إتفقوا بالظبط

أعطى كل المشاعر لمن تحب , إجعله يشعر أنه أغلى من الدنيا , لأنه عندما يرحل ستحزن عليه أشد الحزن , وسيكون وقت المشاعر قد فات أوانه .. إذا كنت أغضبته إذهب إليه وأرضيه حتى لو كان رضاه على حساب سعادتك.. فلو كان لا يحبك ما كان غضب أو إنجرح منك . إحتويه داخلك وضمه إليك وحافظ عليه قبل أن يصبح ذكرى